Ве известуваме дека вториот дел од студентската компетиција ке се прикаже денес (Среда, 29.04) од 15.00 часот
-------------------------------------------------
ПРОГРАМА СРЕДА, 29. 04
КИНОТЕКА НА МАКЕДОНИЈА 15.00h СТУДЕНТСКА КОМПЕТИЦИЈА 2 17.00h HOURGLASS / ПЕСОЧЕН ЧАСОВНИК 19.00h TIME WITHOUT WAR / ВРЕМЕ БЕЗ ВОЈНА 21.00h CASH&MARRY / ПЛАТИ И ЖЕНИ
РАМСТОР 1 18.00h FACING THE DAY / ШТО СО СЕБЕ ПРЕКУ ДЕН 20.00h MARADONA / МАРАДОНА 22.00h HUNGER / ГЛАД
РАМСТОР 2 18.00h THE BAND’S VISIT / ПОСЕТАТА НА БЕНДОТ 20.00h INVOLUNTARY / НЕСВЕСНО 22.00h THE INTERNATIONAL / МЕЃУНАРОДНА ЗАВЕРА
CHASER / ПОТРАГА (2008)
Режија: Na Hong-jin , Сценарио: Na Hong-jin, Lee Shin-ho
Улоги: Kim Yoon-seok, Ha Jeong-woo
Земја: South Korea, Времетраење: 123мин.
Фестивали: Asian Film Award -Best Editor
На поранешниот детектив, сега макро, почнуваат да му исчезнуваат девојките и се обидувада го фати серискиот убиец. Режисерот прави интригантен и комплексен анти-херој, филмот е извонредно режиран, сосема ви го задржува вниманието и претставува шокантно мрачен трилер кој вреди да се види пред неизбежниот и веќе планираниот холивудски римејк да го зафркне крајот. Најледан филм на кино благајните во Јужна Кореа.
THE INTERNATIONAL / МЕЃУНАРОДНА ЗАВЕРА (2008)
Режија: Tom Tykwer , Сценарио: Eric Singer
Улоги: Clive Owen, Naomi Watts
Земја: USA /Germany/UK, Времетраење: 118мин.
Филмот е набиен со акција, сомневање и прекрасни сцени. Се базира врз приказна за вистинската банка која финансирала терористички активности и инволвирала безброј владини службени лица од целиот свет. Агент на Интерпол е решен да ја собори корумпираната банка.Банката која навистина со декади го злоупотребуваше светскиот финансиски пазар беше Bank of Credit and Commerce International, елегантно адаптирање на името на вистинската банка. Луис Селинџер, ликот на Клајв Овен, ги гонел главните на банката со години, обидувајќи се да ја докаже нивната замешаност во безброј илегални активности. Филм кој го отвори овогодинешниот Берлински фестивал.
BURN AFTER READING / ПРОЧИТАЈ, ПА ЗАПАЛИ (2008)
Режија: Joel Coen, Ethan Coen, Сценарио: Joel Coen, Ethan Coen
Улоги: George Clooney, Frances McDormand, Brad Pitt
Земја: USA, Времетраење: 96мин.
Аналистот Кокс Озборн пристигнува на еден таен состанок во седиштето на ЦИА во Арлингтон. За жал, тајната набрзо е откриена: тој добива отказ. Кокс не ја прифаќа веста најдобро, и се враќа во родниот Џорџтаун да работи на неговите мемоари и на пиењето. Неговата жена, Кејти е незадоволна, но не и особено изненадена. Таа има афера со Хари Пфафер, оженет федерален шериф и прави планови како да го остави Кокс за Хари. Во Вашингтонските предградија, Линда Лицке одвај може да се сконцентрира на својата работа. Таа е опиена од нејзиниот животен план за интензивна козметичка операција, и му ја доверува својата мисија на еден колега.
VICKY CRISTINA BARCELONA / ВИКИ КРИСТИНА БАРСЕЛОНА (2008)
Режија: Woody Allen, Сценарио: Woody Allen
Улоги: Rebecca Hall, Scarlett Johansson, Javier Bardem, Penélope Cruz
Земја: USA/Spain, Времетраење: 96мин.
Најновата комична драма на Вуди Ален означува навраќање на формата и на темата за импулсивната романса, која него несомнено му одговара, овој пат сместена во заводливата Барселона. Хероините на Ален во оваа сторија се две млади Американки, Вики (и Кристина кои доаѓаат во Барселона за летниот одмор. Вики е чувствителна и свршена; Кристина сака емотивни и сексуални авантури. Во Барселона тие се вовлечени во една серија на неконвенционални романтични авантури со Хуан Антонио , харизматичен сликар, кој е се уште инволвиран со неговата бивша жена Мариа Елена (Пенелопе Круз). Поставен во медитеранската сензуалност на Барселона, Вики Кристина Барселона е една комична и либерална прослава на љубовта со сите нејзини претпоставки.
WINGLESS / СОЗЕРЦАНИЕ (2008)
Режија: Ivo Trajkov, Сценарио: Vladislav Kliment, Alan Smisik
Улоги: David Svehlík, Karel Zima, Marie Durnová
Земја: Czech Republic /Republic of Macedonia, Времетраење: 90мин.
Приказната на Јосиф е приказна за надминување на опасностите од злото и гревовите со кои се соочуваме од самото раѓање, па оттаму Јосифовиот лик и карактер го отсликуваат обичниот човек кој не се истакнува со ништо особено и исклучително, човек кој го живее својот живот користејќи ги можностите со кои се сретнува на животниот пат. Тој е сервисер кој поправа ваги и од непознати причини за него, неговите перспективи, верувања и можности стануваат недостижни. Јосиф се враќа од Шпанија каде неодамна, неочекувано го напушта неговата жена Мартина и покрај неговите обиди да ја спаси нивната врска. Бидејќи во Шпанија останува подолго од планираното, ја губи својата работа. Очаен, тажен и депресивен, одлучува да го продаде станот и да живее во својата мала работилница.
THE DRUMMER / ТАПАНАРОТ (2007)
Режија: Kenneth Bi, Сценарио: Kenneth Bi
Улоги: Jaycee Chan, Tony Leung Ka-fai, Lee Sinje
Земја: Hong Kong/Taiwan/Germany, Времетраење: 119мин.
Младиот бунтовник, Сид е тапанар во еден рок бенд и се наоѓа во врска со жена чија неверност е откриена од страна на нејзиниот моќен маж. Бесен, мажот наредува да му се исечат двете раце на младиот тапанар. Таткото на Сид, Кван, брутален шеф на јапонска банда, го испраќа својот син да се крие во планините. Таму Сид среќава група Зен перкусионисти, кои ја практикуваат оваа уметност истовремено со тврди режим на физички тренинг. Разгалениот и претенциозен млад човек фасцинирано им се придружува. Втурнат во овој нов свет, тој постепено учи да биде посамоуверен и посконцентриран. Тогаш судбината му приредува еден трик. Дали тој ќе ја избере лојалноста кон неговата фамилија или довербата во новооткриената самоувереност? Тапанарот е прв филм кој го комбинира драматичниот заплет со ироничен тон и со уметноста на кинеската Зен перкусија.
