| ГЛАВНА ПРОГРАМА | АВТОРСКИ ФИЛМОВИ | СПЕЦИЈАЛНИ ПРОЕКЦИИ | ДОКУМЕНТАРНА ПРОГРАМА |
| ИСТОЧНОЕВРОПСКИ ВЕСТЕРН | КРАТКИ ФИЛМОВИ | РЕТРОСПЕКТИВА НА ФИЛМОВИ НА БРАНКО ГАПО |
_________________________________________________________________________________________________________________

РЕТРОСПЕКТИВА НА ФИЛМОВИ НА БРАНКО ГАПО
---------------------------------------------------------------------------------------------------------------------------------------

THE BIRDS ARE COMING / ПТИЦИТЕ ДОАЃААТ (1959)
Режија: Gapo Ivanovski Branko , Сценарио: Janevski Slavko
Улоги: Panta Nikolic, Dimche Hristovski
Земја: Macedonia, Времетраење: 19мин.

Филмот е играно-документарна приказна за начинот на риболов на Дојранското Езеро, со помош на птиците корморани. Во него се зборува за поврзаноста на луѓето со птиците кои се најдобар работник и незаменлив помошник на рибарите. Кога птиците ги нема, рибарите се тажни, но кога птиците ќе дојдат, ловот може да почне.

THE BORDER / ГРАНИЦА (1962)
Режија: Gapo Ivanovski Branko , Сценарио: Solev Dimitar
Камерман: Samoilovski Misho, Монтажа: Pankov Dragomir
Земја: Macedonia, Времетраење: 12мин.
Фестивали: 1963 FYDSF, Belgrade, Third Prize for directing, 1963 FYDSF, Belgrade, Golden Plaque for camera /
Misho Samoilovski

Според однапред договорениот ден и место, границата помеѓу две земји, ФНРЈ/НР Македонија и НР Бугарија, се отвора за еден ден. Овој пат не се потребни патни и други документи за да се видат роднините и пријателите од двете страни на границата. Тоа е уште една можност за средба или уште еден обид да се појде во трага по разделените. Тој ден носи многу тага во себе, за старите, тоа ќе биде можеби последна средба, мајката веќе никогаш нема да го најде синот. Денот минува и границата е повторно тука, со сета своја сериозност.

IN THE YEAR OF OUR LORD / ЛЕТО ГОСПОДОВО (1967)
Режија: Gapo Ivanovski Branko , Сценарио: Varoshlija Branko
Камерман: Bilbilovski Kiro, Petkovski Ljube, Монтажа: Chemchev Vangel - Laki
Земја: Macedonia, Времетраење: 13мин.

Збиднувањата во врска со верскиот празник посветен на св. Димитрија кој е патрон на истоимената црква во Велес.

GOING ON THE WAY, ASKING FOR THE WAY / ПО ПАТ ОДАМ, ЗА ПАТ ПРАШАМ (1968)
Режија: Gapo Ivanovski Branko , Сценарио: Boshkovski T. Petar
Камерман: Petkovski Ljube, Монтажа: Ajdic Milorad
Земја: Macedonia, Времетраење: 15мин.

Филм посветен на животот во Мариово, еден од најпасивните предели на Македонија, не само поради оскудноста на
природните можности за егзистенција туку и поради изолацијата на овој простор.

TIME WITHOUT WAR / ВРЕМЕ БЕЗ ВОЈНА (1969)
Режија: Gapo Ivanovski Branko , Сценарио: Simon Drakul
Улоги: Sisman Angelovski, Neda Arneric, Meri Boskova
Земја: Macedonia, Времетраење: 80мин.

Фидан е млад човек кој живее и работи во градот. Неговиот татко Дичо, селанец и борец во војната и во револуцијата, по војната ја застапува идејата за колективизација и индустријализација на селото. Искрено верувајќи и работејќи на тоа, Дичо се судрува со повеќето од селаните, но најжестоко се конфронтира со својот добар пријател, соборец и побратим Лазар. По пропаѓањето на задругарството, Дичо заминува од селото. По неговата смрт Фидан, исполнувајќи ја татковата желба, го погребува во родното село. Престојувајќи таму, Фидан се обидува да се пронајде себеси во новата средина, во новиот ангажман со сточарството, кој за него значи голем предизвик, како и во контактите со нови лица. Тука доживува и нова љубов со девојката Благуна, ќерка на Лазар, која наскоро станува негова жена. Иако изложен на недовербата на соселаните, Фидан со сиот елан се занимава со одгледувањето на овците. Но, законите на пазарот се немилосрдни и во тие услови не е можна реализација на неговата замисла. Враќањето на Фидан на татковото огниште не му го донесува бараниот мир ниту, пак, нова содржина во животот.